Уæрæсейы фæлхасгæнджытæм цæстдарды управленийы специалисттæ сарæзтой профилактикон рейд

Цæгат Ирыстоны ковид-стационартæм суткæмæ бахауд 39 адæймаджы. Æдæппæтæй дзы дзæбæх кæнынц 514 пациенты. Реанимацийы хайады ис 49 адæймаджы. Ивгъуыд суткæмæ низы аххосæй амард фондз адæймаджы. Уый тыххæй хъусын кæнынц республикæйы æнæниздзинад хъахъхъæнынады министрадæй. Эпидемиологон уавæр зæрдæхсаинаг кæй у, уый фæдыл Уæрæсейы фæлхасгæнджытæм цæстдарды управленийы кусджытæ æппынæдзух рацæуынц рейдты. Бæрæг кæнынц санитарон домæнтæ куыд æххæстгонд цæуынц, уый. Специалисттæ та ныр дæр радон хатт бабæрæг кодтой базарадон центртæ æмæ хæрæндæттæ. Æнæ медицинон маскæимæ лæггад нæ, фæлæ мидæмæ дæр нæ уадзынц. Уыимæ ма бахизæны лæууы къухты дезинфекцийæн сæрмагонд гарз. Æрвылбон ацы егъау дуканимæ æрбацæуы сæдæгай адæм. Æдасдзинады домæнтæ дзы куыд æххæстгонд цæуынц, уымæ сæ цæст дарынц Уæрæсейы фæлхасгæнджытæм цæстдарды управленийы специалисттæ. Уымæй фылдæр адæм ма базарадон центрты. Маскæтæ дарыны фæтк æххæст кæнын домынц куыд æлхæнгæнджытæй, афтæ уæйгæнджытæй дæр. Æрвылбон нысан кæнынц сæ буары температурæйы бæрæггæнæнтæ дæр. Специалисттæ иртасынц бæстыхæйтты маскæтæ æмæ санитайзертæ ис æви нæй, уый. Бæстыхайы уæлдæф сыгъдæг кæнынц æрвылбон. Сæрмагонд журналы нысан кæнынц æппæт мадзæлттæ. Пайда кæнынц бактеритæ чи мары, ахæм лампæйæ. Уыдон хъуамæ уой алы дуканийы дæр. Вакцинацийы тыххæй æвдисæндар, QR-кодтæ - уыдон дæр æнæмæнг домæнтæ сты базарадон центр, хæрæндон бабæрæг кæнгæйæ. Кæд сæ æфтиæгтæ фæкъаддæр сты амалхъом адæмæн, уæддæр æнæмæнг æххæст кæнынц нысангонд домæнтæ. Медицинон маскæтæ ма æнæмæнг дарын хъæуы æхсæнадон транспорты. Ахæм рейдтæ Уæрæсейы фæлхасгæнджытæм цæстдарды управленийы специалисттæ, пъæлицæ, Уæрæсейы гвардийы æмæ Паддзахадон автоинспекцийы кусджытæ расидынц æппынæдзух. Ног Азы бæрæгбæтты рæстæг домæнтæ лæмæгъдæр кæнæн нæй. Эпидемиологон уавæр нырма у зæрдæхсаинаг. Æдасдзинады домæнтæ æххæст кæнгæйæ фæтых кæнæн ис тæссаг низыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv