Елхоты байгом Ног азы армукъа

Ног азы агъоммæ армукъа байгом Елхоты. Куыд Кировы районы, афтæ æндæр районты егъаудæр хъæуты ныр цæрджытæн фæзынд фадат хойрæгтæ æмæ алыхуызон дзаумæттæ асламдæр аргъӕй балхæнынæн. Ахæм армукъатæ байгом кæныны хъæппæрис рахаста нæ республикæйы сæргълæууæг Битарты Вячеслав. Афтæ, кафгæ æмæ заргæйæ Елхотты цæрджытæ байгом кодтой Ног Азы агъоммæ армукъа. Сæ бæрæгбон сын барæсугъд кодтой районы сфæлыстадон къордтæ концертон программæйæ. Бæрæгбоны агъоммæ армукъатæ байгом кодтой республикæйы алы районы дæр. Кусдзысты æрвылбон. Заз бæласы хъазӕнтӕ, гирляндæтæ æмæ ма бирæ цымыдисаг дзаумæттæ æнхъæлмæ кæсынц се ’лхæнджытæм. Бæрæгбон аивгæнæн дзаумæттæ равæрдтой тæрхæджытыл. Апарахат сты 4 цатырыл. Ахæм армукъатæ хорз ахъаз сты. Сæ руаджы цæрджытæн фадат ис Ног Азмæ хи бацæттæ кæнынæн, уыимæ ма асламдæр аргъæй хъæугæ дзаутæттæ балхæнын. Тæрхæджытыл ма, аивгæнæн дзауматæй уæлдай, фенæн ис хойрæгтæ дæр. Бынæттон продукци. Мыд, дыргътæ, халсартæ, дзидза. Уæйгæнджыты нымæц бонæй-бонмæ фылдæр кæндзæн. Суанг ма ссæудзысты сыхаг регионты амалхъом адæм дæр. Пелиты Сабинæ  _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv