Æнæнхъæлæджы уавæрты министрады РЦИ-А управленийы специалисттæ архайдтой ахуырты Суворовы училищæйы

Уайтагъд фыдбылызы бынатмæ æрбалæууын æмæ хъæугæ æххуыс бакæнын. Абон Æнæнхъæлæджы уавæрты министрады кусджытæ архайдтой сæрмагонд ахуырты Суворовы номыл училищæйы. Ирвæзынгæнджытæ цалæдæр минутмæ æдас ранмæ рахуыдтой ахуырдзауты. Зындæр уыд, бæстыхайы сæр чи баззад, уыдоны бынмæ æрхонын. Ирвæзынгæнджытæ размæвæрд хæстæ æххæстгæнгæйæ хи куыд равдстыой, уый тыххæй нæ дарддæры æрмæг. Мæнг хъусынгæнинагмæ гæсгæ Суворовы номыл училищæйы æрцыд зынгсирвæзт. Арт апарахат 150 квадратон метрыл. Бæстыхайæ æдас ранмæ рахуыдтой 420 адæймаджы. Æвирхъауы цаумæ æвæстиатæй ратагъд кодтой ирвæзынгæнджытæ, зынгхуыссынгæнджытæ æмæ тагъд медицинон æххуысы къареттæ. Хъуамæ арæвдз уой 40 секундмæ. Цалдæр минутмæ зынгхуыссынгæнæн 11 къорды тох кæнынц артимæ. Алы экипажы дæр æртæйæ æхсæз адæймаджы онг, афтæмæй. Иу хæдтулгæйы ис 16 зынгхуыссынгæнæн дысы. Сæ алы фезмæлд дæр раст æмæ цырд. Зынгхуыссынгæнджытæ кæрæдзийы цæстæнгасæй æмбарынц. Æххуыс сын сты, нырыккон домæнтæн дзуапп цы кусæнгæрзтæ дæттынц, уыдон. Бæстыхайы сæр ма баззад ноджы 5 адæймаджы. Арты комæй ратонынмæ сыл архайынц ирвæзынгæнджытæ. Сæ размæ зын хæс æвæрд ис, уæлдайдæр та уæлæдарысыл уæззау кусæнгæрзтæ ауыгъд куы уа, уæд. Фæлæ ирвæзынгæнджыты хорз цæттæдзинады руаджы хъыгдæрдбаййафджыты æдас ранмæ рахуыдтой. Бакодтой сын хъæугæ æххуыс. Ахуыртæм сæ хъус дардта Уæрæсейы æнæнхъæлæджы уавæрты министрады сæйраг управленийы разамынд. Тренеровкæ у цæттæгæнæн мадзæлтты иу хай. Ахæм хуызы сбæрæг кæнæн ис специалистты æмæ техникæйы цæттæдзинад. Æмткæй райсгæйæ, ахуырты архайдтой 70 адæймаджы. Уыимæ ма дзуапдæттæг ведомствæты специалисттæ. Се ’хсæн Газпром, Мидхъуыддæгты министрады кусджытæ æмæ æндæртæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv