Цæгат Ирыстонæй 10 сывæллоны ацæудзысты «Орлёнок»-мæ. Архайдзысты "Протуризм, ПроРосию, Происторию", зæгъгæ, сменæйы. Æнахъомты цымыдис кæны бæстæзонынад, архайынц спортивон туризмы секциты, сæхи æнтыстджынæй æвдисынц æппæтуæрæсеон æмæ регионалон туристон мадзæлтты, æркастыты æмæ экспедициты. Уый тыххæй йæ телеграм-каналы фехъусын кодта Сергей Меняйло. Скъоладзаутæм æнхъæлмæ кæсы цымыдисаг программæмæ. Базондзысты балцы рæстæг хъæугæ тактикæтæ, сахуыр кæндзысты туристон гæрзтимæ кусын, уыимæ зын балцвæдты цæуын. Сæйраг дæр та райсдзысты ног тыхтæ æмæ зонындзинæдтæ.