Тускъаты Таймураз æрзылд социалон ахсджиаг объектты арæзтæдтыл

Нæ республикæйы хицауады сæрдар Тускъаты Таймураз абон кусæг балцы æрзылд республикæйы ахсджиаг объекттыл. Уыд Алагиры æмæ Æрыдоны районты. Аразынц дзы скъолатæ æмæ цалцæг кæнынц культурæйы хæдзæрттæ. Ногиры 1-æм скъолайы бæстыхай цалцæг кæнынц. Йæ фарсмæ сырæзт райдиан скъолайы ног корпус. Уæлæмхасæн бæстыхæйтты рацарæзт дæр кæронмæ æрхæццæ. Се `хсæн хæрæндон, спортивон æмæ актон залтæ. Ныртæккæ дзы цæуынц кæронбæттæн куыстытæ. Уыцы-иу рæстæг аразынц ахуырадон корпусты `хсæн ахизæн. Боныхъæд куы фæхуыздæр уа, уæд дзы райдайдзысты аивгæнæн куыстытæ. Объект ратдзысты афæдзы кæрон. Уый фæстæ Тускъаты Таймураз араст Æрыдонмæ. Уым бынæттон администрацийы цæрæнбынаты сертификаттæй схорзæхджын кодтой æрыгон бинонты. «Обеспечение доступным и комфортным жильем и коммунальными услугами» зæгъгæ паддзахадон программæ æххæст кæны республикæйы архитектурæ æмæ арæзтады министрад. Инспекцийы иннæ объект ис Фыййагдоны. Бындуронæй дзы цалцæг кæнынц культурæйы хæдзар. Куыстытæ райдыдтой ивгъуыд азы декабры. Цæуынц дзы мидæггаг куыстытæ. Фæфылдæр дзы уыдзæн методикон уаттæ. Дыккаг уæладзыджы дæр фæзындзысты музыкалон зал æмæ репетици кæнынæн кабинеттæ. Иннæ культурон объект Суададжы бынæттон клуб. Ам куыст йæ тæмæны бацыд февралы, кæронмæ фæуыдзысты июны. Премьеры балцы кæронбæттæн пункт Алагир. Фыццаджыдæр ам цæрæнбынаты сертификаттæй схорзæхджын кодтой æрыгон бинонты. Кадджын уавæры сæ райстой 15 адæймаджы. Уый фæстæ хицауады сæрдарæн уыд æмбырд. Дзырдтой социалон ахадындзинад кæмæн ис районы, уыцы объектты арæзтадыл. Æххæст сæ кæнын хъæуы бæстон æмæ афойнадыл. Æмбырды кæрон премьер дзуапдæттæг кусджытæн радта сæрмагонд амынддзинæдтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv