Хъæууон хæдзарады министрады æрдзырдтой кæсаг дарыны къабазы рæзтыл

Хъæууон хæдзарады министрад кусы республикæйы кæсагдарыны къабазы рæзты программæйыл. Хыгъды чи ис, уыцы куыстуæтты архайды фæдыл бацæттæ кодтой сæрмагонд амынддзинæдты проект. Æгас республикæйы фæзуатыл бакодтой иртасæн куыст. Сæйраг хæс – донуæтты хъомыс æмæ сæ дарддæр цы хуызы ис пайда кæнæн, уый сбæрæг кæнын. Проектыл бакуыстой кæсаг ахсыны федералон агентады специалисттæ. Мартъийы кусджытæ сæрмагондæй ссæудзысты Цæгат Ирыстонмæ. Ам бынæттон кусджытæн амондзысты, сæ фæллойæ æнтыстджын хатдзæгтæ цæй руаджы рауайдзæн, уыцы сусæгдзинæдтæ. Уазиты Хъазыбег, РЦИ-Аланийы хъæууон-хæдзарад æмæ хойраджы министр: «Æрбахуыдтам Астраханы институты директоры йæ кусджытимæ. Кæсагахсыны федералон агентады разамонæджы хæдивæг Соколов дæр нæм уыд. Уыдон дæр нын загътой, нæ гæнæнтæ 30 мин тоннæйы бæрц кæй сты. Уый стыр бæрæггæнæн у махæн. Зæгъæм, Карели ацы аз бакуыста кæсаджы 23 мин тоннæйы. Цæгат Ирыстоны ис хорз фадæттæ балер кæсаджы куыстæн. Уæрæсейы базарадон тæрхæджытыл нæ фаг кæны. Уымæ гæсгæ не `ргом фылдæр ацы кæсагмæ здахæм». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv