Уæрæсейы фæлхасгæнджытæм цæстдарды службæ сбæлвырд кодта сæрмагонд амынддзинæдтæ

Уæрæсейы фæлхасгæнджытæм цæстдарды службæ сбæлвырд кодта сæрмагонд амынддзинæдтæ. Ныхас цæуы сывæллæтты сæрдыгон фæлладуадзæн рæстæгыл. Уый тыххæй вице-премьер Азымты Иринæ радзырдта хицауады æмбырды. Фæлладуадзæн лагертæ æмæ дзæбæхгæнæн санаторитæ байгом уыдзысты эпидемиологон уавæр фадат куыд дæтта, уымæ гæсгæ. Сæрмагонд уынаффæ рахæсдзæн республикæйы сæргълæууæг. Реестры ис 63 улæфæн бынаты, уыцы хыгъды 9 организацийы стационарон хуызы. Реестрыл дарддæр кусы Уæрæсейы Рухстауыны министрад. Санитарон уавæр хынцгæйæ æдæппæтæй хъуамæ баулæфой 10 мин адæймагæй фылдæр. Фыццаджыдæр ахæм фадат уыдзæн зын уавæры чи бахауд, уыдонæн æмæ коронавирусы ныхмæ чи тох кæны, уыцы медицинон кусджыты сывæллæттæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv