Фæсивæды хъуыддæгты фæдыл комитет æмæ æфсæддон-патриотонон хъомылады центр расидтысты гранты конкурс

Грантты конкурс æфсæддон-патриотон тематикæйæ расидтысты нæ республикæйы фæсивæды хъуыддæгты фæдыл комитет æмæ фæсивæды æфсæддон-патриотон хъомылады центр. Йæ сæйраг нысан - райгуырæн бæстæмæ уарзондзинад фидар кæнын æрыгон фæлтæры 'хсæн, æмæ дзы сæрыстыр уæвын. Грантты конкурсы бацархайын сæ бон у, 14 азæй 35 азы онг кæуыл цæуы æмæ æфсæддон-патриотон куыст нæ республикæйы чи кæны, уыдонæн. Ис дзы 4 номинацийы. Се 'хсæн археологон куыстытæ, музейон архайд æмæ æрыгон армионты змæлд парахат кæнынимæ баст темæтæ. Арæзт сты Цæгат Ирыстоны паддзахадон фæсивæдон политикæйы райрæзты программæмæ гæсгæ. Исахъты Таймураз, РЦИ-Аланийы фæсивæды хъуыддæгты фæдыл комитеты фæсивæдон программæты райрæзты стратегион хайады разамонæг: «Конкурс райдайдзæн фыццæгæм апрелы æмæ ахæсдзæн 25-æм маймæ. Курдиат бадæттæн ис 30-æм апрелы онг. Фыццаг къæпхæны экспертон совет æркæсдзæн документты хыгъдмæ æмæ сбæрæг кæндзæн, домæнтæн дзуапп дæттынц æви нæ. Дыккаг къæпхæны та архайджытæ бахъахъхъæндзысты сæ куыстытæ. Уæлахиздзаутæ райсдзысты сæ проектты райрæзтæн гранттæ 100 000 сомæй 300 000 сомы онг. Иумæйаг грантон фонд у 1 500 000 сомы». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv