Цæгат Ирыстоны дарддæр цæуы коронавирусы инфекцийы ныхмæ вакцинаци

Рахизфарсы районы дарддæр цæуы коронавирусы ныхмæ вакцинаци. Барвæндонæй прививкæ скæныны фадат ис цæрджытæй 18 азæй фылдæр кæуыл цæуы, уыдонæн.  Уый тыххæй рагагъоммæ хъæуы хи терапевтмæ ныфыссын. Абон йе ‘нæниздзинад чи фæфидар кодта, уыдоны тыххæй бæлвырддæр нæ дарддæры æрмæджы. Прививкæйы размæ уал фæткмæ гæсгæ пациентмæ æркæсы терапевт. Вакцинæ ма 'скӕнынӕн аххосæгтæ куы нæ разыны, уæд адæймагæн прививкæ скæнынц. Бабочита Алик цæуы вакцинацийы дыккаг къæпхæн. Куыд зæгъы, афтæмæй процедурæйы зынæй æмæ зæрдæхсаинагæй ницы ис. Цæмæй вакцинæ скæнай, уый тыххæй развæлгъау хъæуы дохтырмæ æрбацæуын. Уый скæны хъæугæ иртасæнтæ, æмæ уыцы хатдзæгтæм гæсгæ уынаффæ рахæссы, æмбæлы вакцинæ скӕнын, æви нæ. Коронавирусы ныхмæ вакцинаци кӕнгӕ у дыууæ къæпхæнæй. Фыццаг уал скæнынц вакцинӕйӕн йæ иу хай, 21 боны фæстæ та – йӕ дыккаг. Уыцы рæстæг сын, æнæмæнг, се `нæниздзинадмæ кæсынц дохтыртӕ. Уæлдай æргом здæхт цæуы, 60 азæй фылдæр кæуыл цæуы, уыдонмæ. Вакцинаци Рахизфарсы районы райдыдта январы кæрон. Вакцинæйы дыууæ компоненты райсæн ис Беслæны, уыимæ Ольгинскæ, Заманхъул, Хуымæллæг, Зилгæ æмæ Ног Бæтæхъойыхъæуы. Вакцинаци кæнынц барвæндонæй. Хи бафыссæн ис паддзахадон лæггæдты порталы, уыимæ курдиат ныууадзæн ис поликлиникæйы. Уый фæстæ лæвæрд æрцæуы талон бон, рæстæг æмæ, вакцинæ чи скæндзæн уыцы кабинет æмæ дохтыры номимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv