Æхсæнадон транспорты куысты фæтк æмæ къабазы ахсджиагдæр фарстатыл æрдзырдтой Беслæны администрацийы

Æхсæнадон транспорты куысты фæтк æмæ къабазы ахсджиагдæр фарстатыл æрдзырдтой Беслæны администрацийы. Æмбырды архайдтой Рахизфарсы районы æппæт муниципалон скондты разамонджытæ æмæ бæлццæттæласæг куыстуæтты хицæуттæ. Уæлдай æргом аздæхтой хæдтулгæты техникон уавæрмæ, рæстæгмæ гæсгæ цасæй-цасмæ цæуынц, æмæ æхсæнадон транспорты пайдагæнджыты къуылымпыдзинæдтæм. Фарстатыл кусынминистрады минæвæрттæ бабар кодтой бынæттон администрацийæн. Хъæуты минæвæртты ныхæстæм гæсгæ, æхсæнадон транспортмæ хатгай цæрджытæ фæлæууынц сахатæй фылдæр. Уæлдайдæр фæлладуадзæн бонты. Уый фæдыл курынц уæлæмхасæн рейсытæ æмæ фылдæр транспорт. Уымæй уæлдай ма, изæрыгон куыд кусынц, уый дæр нæ цæуы цæрджыты зæрдæмæ. Иуæй-иу хъæутæм изæры 6 сахатæй фæстæдæр транспорт нал вæййы. Бæлцæттæласæг компаниты хицæуттæ Промышленность æмæ транспорты министры хæдивæг Джидзалаты Хазбийæн фидарæй дзырд радтой, хъæуты разамындтимæ иумæ æппæт аиппытæ дæр кæй аиуварс кæндзысты, уый тыххæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv