Пъæлицæйæгтæ Дзæуджыхъæуы æрцахстой синтетикон наркотиктæ чи парахат кодта, уыцы фыдгæнджыты

Пъæлицæйæгтæ Дзæуджыхъæуы æрцахстой, синтетикон наркотиктæ чи парахат кодта, уыцы фыдгæнджыты къорд. Оперативон-слестгæнæн мадзæлтты руаджы рабæрæг кодтой Стъараполы крайæ рацæугæ дыууæ нæлгоймаджы. Уый агъоммæ та, пъæлицæйæгты оперативон хъусынгæнинагмæ гæсгæ, фыдгæнджытæ туристты хуызы республикæмæ æрбаластой наркотиктæ. Фæнд сæ кодтой æмбæхст бынæтты сæвæрын. Цыбыр рæстæгмæ сæ пъæлицæйæгтæ рабæрæг кодтой. Наркотиктæ сын бантыст 9 æмбæхст ран сæвæрын. Басгæрсты рæстæг фыдгæнджытæм ссардтой 80 тыхтонæй фылдæр. Экспертизæ куыд рабæрæг кодта, афтæмæй уый разынд «мефедрон». Закъонхалджыты ныхмæ байгом кодтой уголовон хъуыддаг. Фыдгæнджытæ сæ аххосыл басастысты. Гæнæн ис, æмæ ахæстоны фæбадой 20 азы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv