Дзæуджыхъæуы пъæлицæйæгтæ æрцахстой, героин чи уæй кодта, ахæм фыдгæнæджы

Дзæуджыхъæуы пъæлицæйæгтæ æрцахстой, героин чи уæй кодта, ахæм фыдгæнæджы. 26-аздзыд нæлгоймаг ссыд Цæгат Ирыстонмæ Астæуккаг Азийæ. Горæты уынгты цæугæйæ, барадхъахъхъæнджытæ фæгуырысхо сты, йæхи æнахуыр дард чи кодта, уыцы нæлгоймагыл. Куы йæ басгæрстой, уæд æм ссардтой урс ссадимæ тыхтон. Экспертизæйы хатдзæгмæ гæсгæ, уый уыд героин. Знаггадхæссæг турист басаст, горæты дыууæ æмбæхсæны кæй скодта, ууыл. Знаггадгæнæджы рæстæгмæ цæрæнбынаты пъæлицæйæгтæ сарæзтой агурæн-сгарæн мадзæлттæ. Уым ссардтой 800 дозæйы бæрц героин. Фыдгæнæджы ныхмæ ныр байгом кодтой уголовон хъуыддаг, УФ уголовон кодексы 228-æм уацмæ гæсгæ «Æнæзакъонæй наркотикон буаргъæдтæ парахат кæныны тыххæй». Сæ æнæзакъон миты тыххæй ныр, гæнæн ис, æмæ ахæстоны фæбада 15 азы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv