Туризмы къабазы райрæзты фарстатыл Сергей Меняйло ныхас кодта профилон комитеты сæрдар

Туристтæн æмбæлгæ æмæ æдас уавæртæ аразын. Бакусын ног маршруттыл, стæй инфрастурктурæ банывыл кæныныл. Цæгат Ирыстоны туристон къабазы фарстатыл республикæйы сæргълæууæджы хæстæ рæстæгмæ æххæстгæнæг Сергей Меняйло æрныхас кодта туризмы комитеты сæрдар Хъодзаты Зауырбегимæ. Сергей Меняйло куыд загъта, афтæмæй республикæйы туристон маршруттæ хъæуы ногæй рацаразын. Æвæстиатæй та – бакусын фæндæгтыл туристтæн æмбæлгæ уавæртæ æмæ фадæттæ саразыныл, ома, хæрæндæттæ æмæ фæндагыл æндæр хъæугæ лæггæдтæ исыны фадæттæ. Республикæйы ацы къабазы райрæзтæн ис стыр фидæн. Сергей Меняйло ма бахаста иумæйаг туристон билет саразыны хъæппæрис. Уый руаджы туристæн, кæм бахъæуа, уым æххуыс æмæ лæггад кæндзысты, цалынмæ Ирыстоны йæ фæллад уадза, уæдмæ. Профилон комитеты разамонæгæн бахæс кодтой, цæмæй ацы фарстатæ хæст æрцæуой туризмы райрæзты республикон программæмæ. Уый та æххуыс уыдзæн инфраструктурæ саразынæн æмæ инвестицион гæнæнтæ ссарынæн. Ома, лæггæдты къабазы райрæзт, фымысуатты арæзтад. Ныхас ма кодтой национ проект «Туризм и индустрия гостеприимства» æххæст кæныныл дæр, кусдзысты йыл 2030-æм азмæ. Ацы проект хорзыл банымадта бæстæйы президент Владимир Путин. Йæ руаджы уыдзæн баххуыс кæнæн, туризмы къабазы цы амалхъом адæм архайынц, уыдонæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv