Техосмотр æнæ аккредитацийæ цы куыстуæттæ аразынц, уыдонмæ æнхъæлмæ кæсы уголовон бæрнондзинад

Хæдтулгæты техникон æркаст æнæ аккредитацийæ цы куыстуæттæ аразынц, уыдонмæ æнхъæлмæ уголовон бæрнондзинад. Уголовон æгъдауæй дзуапп дæтдзысты, барвæндæй, зонгæ-зонын ахæм куыстуæтты лæггæдтæй чи пайда кæны, уыдон дæр. Ахæм закъон йæ тыхы бацыд 27-æм июлы. Уый тыххæй ТАСС-æн фехъусын кодта Мидхъуыддæгты министрады пресс-службæ. Барадхалджытæ бафиддзысты стыр ивар, кæнæ сæ æхсæз мæйы онг ахæстоны фæбадын кæндзысты. Ног фæткы сæйраг нысан у, цæмæй амалхъом адæм закъоны сæрты мауал хизой æмæ сæм уой æппæт хъæугæ гæххæттытæ. Уый руаджы лæггæдты хæрзхъæддзинад дæр фæхуыздæр уыдзæн. Техникон æркасты рæстæг уагхæлдтытæ чи рабæрæг кæна, уый хъуамæ мидхъуыддæгты министрадмæ фехъусын кæна. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv