Запорожьейы облæсты Черниговы районмæ арвитынмæ цæттæ кæнынц 20 тоннæйы уæз

Запорожьейы облæсты Черниговы районмæ арвитынмæ цæттæ кæнынц 20 тоннæйы уæз. Сывæллæтты æртæ рæвдауæндоны райсдзысты уæлæдарæсæн æмæ хъазæнтæн скъæппытæ æмæ гимнастикæйæн фæхсбандæттæ. 8 скъолайы та зындгонд фысджытæ æмæ поэтты нывтимæ плакаттæ æмæ стендтæ. Ацы гуманитарон уæз дыккаг ахӕм егъау у. Фыццаг парти чингуытæ, скъолайæн хъæугæ дзауматæ æмæ техникæимæ районмæ фæхæццæ кодтой 31-æм августы. Уæ зæрдыл уын æрлæууын кæндзыстæм, Цæгат Ирыстон Черниговы район бакодта йæ бæрны. Сæрмагонд бадзырд Сергей Меняйло бафыста Запорожьейы облæсты губернаторы хæстæ æххæстгæнæг Евгений Балицкиимæ.