Сывæллæтты хæдзары 77 хъомылгæнинаджы баулæфыдысты Тæмисчъы

Сывæллæтты хæдзары 77 хъомылгæнинаджы, Цæгат Ирыстоны сæргълæууæг Битарты Вячеславы хъæппæрисæй, баулæфыдысты Тæмисчъы. Уый тыххæй дзыллон информацион фæрæзтæн фехъусын кодта Сывæллоны бартæ хъахъхъæны республикæйы чсæргълæууæджы цур Кокайты Артур. Сабитæ сæ фæллард уагътой 2 къуырийы дæргъы. «Хуры Тын», стæй Мæздæлды сывæллæтты хæдзар æмæ хæдзар-интеранат «Надежда»-ы хъамылгæнинæгтæ улæфынмæ ацыдысты 25-æм августы. Ног коронавирусы хæцгæниз кæй парахат кæны, уый тыххæй сæ балц ацыд санитарон домæнтæ хынцгæйæ. Кусджытæ иууылдæр радтой тестытæ, хи бахъахъахъæнæн фæрæзтæй уыдысты æппынæдзух ифтонг. Сывæллæттæн дзы фадат уыди æрмæст сæ фæллад суадзын нæ, фæлæ ма се `нæниздзинад адзæбæх кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv