Дзæуджыхъæуы байгом актёр æмæ режиссёр Сергей Бодровы номыл равдыст

Дзæуджыхъæуы байгом актёр æмæ режиссёр Сергей Бодровы номыл равдыст. Фенæн дзы ис Ульяновскæй нывгæнæг Михаил Черновы куыстытæ. Презентацийы равдыстой актёры царды тыххæй документалон киноныв. Нывгæнæг куыд фæнысан кодта, афтæмæй Сергей Бодровы сфæлдыстад йæ зæрдæмæ йæ сабибонтæй цыд. Ирыстонмæ абалц кæнын уыд йæ бæллиц. Йæхи цæстытæй йӕ фенын фӕндыд, номдзыд режиссёр æмæ актер цы бынаты фæмард, уый. Уæ зæрдыл уын æрлæууын кæндзыстæм, 2002 азы сентябры Сергей Бодров, йе сфæлдыстадон къорд æмæ бæхты театр «Нарты»-йы солисттæ фæмард сты, Гæналдоны комы Хъолайы цъити кæй ратыдта, уый аххосæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv