Цæгат Ирыстоны æфхæрдтæ æххæстгæнæн фыццæгæм колонийыл сæххæст 59 азы

Бæлвырд фæткмæ гæсгæ ныр 59 азы. Уыййас цæуы Цæгат Ирыстоны æфхæрдтæ æххæстгæнæн колонийыл. Ахст адæмæн ис ахуыр æмæ фæллой кæныны фадат. Чи хъæдӕрмӕгимӕ кусы, чи згъæримæ архайы, чи та хуыйгæ кæны. Царды фæзилæнтыл йæ къах чи скъуырдта, уыдоны раст фæндагмæ куыд здахынц, уый тыххæй нæ дарддæры æрмæг. Цæгат Ирыстоны æфхæрдтæ æххæстгæнæн фыццæгæм колони кусы 59 азы. Ам ис 8 æмдзæрæны, медицинон хайад, хæрæндон, скъола æмæ спортивон зал. Диныл хæст адæмæн сæ бон у аргъуан æмæ мæзджытмæ цæуын дæр. Ам æппынæдзух архайынц, цæмæй ахст адæймаг исты куыстыл хæст уа. Колонийы бындурыл кусы сæрмагонд центр. Ахуыр дзы кæнынц згъæр æмæ хъæдæрмæгимæ кусыныл. Цы партæтæ æмæ бандæттæ дзы саразынц, уыдонæй пайда кæнынц республикæйы скъолаты. Бирæтæ арæхсынц хуыйынмæ дæр. Ахст адæмæй кусгæ чи кæны, уыдон иуылдæр исынц мызд. Ныртæккæ æфхæрдтæ æххæстгæнæн уагдоны ис 400-йæ фылдæр адæймаджы. Раст фæндагыл сæ саразын у колонийы кусджыты сæйраг хæс. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv