Уæрæсейы фæлхасгæнджытæм цæстдарды цæгатирыстойнаг Управленийы кусджытæ рацыдысты радон рейды

Уæрæсейы фæлхасгæнджытæм цæстдарды цæгатирыстойнаг Управленийы специалисттæ æмæ мидхъуыддæгты министрады кусджытæ дарддæр аразынц рейдтæ, æмæ бæрæг кæнынц, адæм коронавирусы инфекцийы ныхмæ санитарон домæнтæ куыд æххæст кæнынц, уый. Ацы хатт рейд сарæзтой Дзæуджыхъæуы хойрæгты дуканийы. Йæ хатдзæгты тыххæй радзурдзæн Уазиты Зæлинæ. Уæрæсейы фæлхасгæнджытæм цæстдарды цæгатирыстойнаг управленийы кусджытæ рацыдысты радон рейды. Домæнтæ хъуамæ æххæст кæной алы организациты разамонджытæ дæр, æмæ уымæ гæсгæ рейды архайджытæ хойрæгты дуканийы хицауы, фыццаджыдæр, бафарстой цавæр мадзæлттæ арæзт цæуынц, уый тыххæй. Дуканийы разамонæг Хъæрæцаты Чермен куыд радзырдта, афтæмæй йæхæдæг ацы низæй æрæджы сдзæбæх. Куыстмæ фыццаг бон рацыд. Уымæ гæсгæ Уæрæсейы фæлхасг æнджытæм цæстдарды управленийы домæнтæ æххæст кæнынмæ уæлдай æргом здахы. Уымæй уæлдай ма Хъæрæцаты Чермен йе ’мзæрдионтимæ æххуыс кæны рынчынтæн. Йæ дуканийы та æххæстгонд цæуынц æппæт санитарон домæнтæ дæр. Уæрæсейы фæлхасгæнджытæм цæстдарды управленийы ахсджиагдæр домæнтæй иу у маскæтæ дарын. Уыцы фæтк хъуамæ æххæст кæной куыд æлхæнджытæ, афтæ уæйгæнджытæ сæхæдæг дæр. Фæлæ дуканийы разамонæгмæ сæвзæрд фæрстытæ. Закъонмæ гæсгæ Уæрæсейы фæлхасгæнджытæм цæстдарды управленийы домæнтæ чин не’ххæст кæна, уыдоны ныхмæ рафысдзысты ивартæ. Йæ бæрц уыдзæн 200 мин сомæй 500 соммы онг.