Цæгат Ирыстоны хицауады уæнгтæ æрдзырдтой республикæйы эпидемиологон уавæрыл

Дистанцион хуызы ахуыр скъолатæ æмæ астæуккаг ахуыры уагдæтты къуыри адарддæр кæнын. Ахæм уынаффæ рахастой радон аппаратон æмбырды. Амыдта йæ премьер Дзанайты Барис. Фондз боны дæргъы коронавирусæй рынчын сывæллæтты нымæц 2,3 хатты фæфылдæр — систы 938. Æдæппæтæй, Цæгат Ирыстоны COVID кæмæ рабæрæг, уыдоныл бафтыд 57%-мæ 'ввахс. Ковид стационарты уæгъд сты бынæтты 25%. Рæзы амбулаторон рынчынты нымæц. Ныртæккæ хæдзæртты низæй хи дзæбæх кæнынц 4 мин адæймаджы. Тагъд æххуысы станцæ суткæйы æмгъуыдмæ райсы мин курдиаты бæрц. Парахат кæнынц грипп æмæ æхнырсæг дæр. Ныртæккæ регионы сывæллæтты рæвдауæндæттæй 34 сты æхгæд карантины. Уымæй уæлдай ма, 65 къорды хицæн рæвдауæндæтты. COVID-æй сæхи дзæбæх кæнынц республикæйы ахуыргæнджыты 11%. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv