Стадион «Спартак» ы рацарæзты фæстæ дзы уыцы иу рæстæг æрбадæн уыдзæн 30 мин адæймагæй фылдæрæн

Республикон стадион «Спартак» -ы рацарæзты фæстæ дзы уыцы иу рæстæг æрбадæн уыдзæн 30 мин адæймагæй фылдæрæн. Цалцæггæнæн куыстытæ сæ тæмæны бацыдысты. Куыстытæ цæуынц къæпхæнгай. Рог атлетон спортсментæн сног кодтой згъорынæн фæндæгтæ, базылдысты æндæр хæйттæм дæр. Ныр тренировкæтæ цæуынц ног уавæрты. Бæлвырддæр нæ дарддæры æрмæджы. Рог атлеттæ райдыдтой тренировкæтæ. Фыццаг уал хъæуы туг базмæлын кæнын æмæ нуæрттæ схъарм кæнын. Уый фæстæ хæрдмæ æмæ цæлхдурты сæрты гæппытæ. Фæлтæрæнтæ куыд æххæст кæнынц, кæсы тренер. Йæ цæст дары дисциплинæмæ дæр. София Лобан æппæт амынддзинæдтæ дæр æххæст кæны æнцонæй. Цалдæр хатты сси регионалон ерысты уæлахиздзау. Рог атлетикæмæ цæуы 7 азы. Куыд нын радзырдта, афтæмæй у йæ уарзондæр спорты хуыз. Ныртæккæ спортсментæн аразынц хорз уавæртæ. Æртæ азы размæ ам сарæзтой згъорынæн сæрмагонд фæндæгтæ. Хорз бæрæггæнæнтæ æвдисынц иннæ æвзонг спортсментæ дæр. Дардмæ гæпп кæнынæн стадионы сарæзтой ног сектортæ. Ныр дзы ис æртывæр гæппытæн дæр фадат. Базылдысты къори æхсынæн фæзуатмæ. Раздæры стадион "Спартак"-ы ахæм гæнæнтæ нæ уыд. Хъилимæ хæрдмæ гæпп кæныны сектор дæр уæдæ у цæттæ. Трибунæты айстой быру æмæ гæрæнтæ. Уый фæрцы фæдаргъдæр кодтой згъорыны фæндæгтæ. Ныртæккæ сæ дæргъ у 130 метры. Уæвгæ, уыцы хъуыддаг се ’ппæты зæрдæмæ нæ цæуы. Футболуарзджыты фæндыд трибунæтæ фæзмæ хæстæгдæр байсын, Европæйы куыд у, афтæ. Цæуылнæ ис уымæн гæнæн, уый бамбарын кодта клубы вице-президент Гуыриаты Данил. Уымæй уæлдай ма, физкультурæ æмæ спорты министр Хуыгаты Аланы ныхæстæм гæсгæ, стадион куы сног кæной, уæд дзы рог атлетон спортсментæн фæзындзæн фылдæр гæнæнтæ. Ныртæккæ куыстытæ стадионы сæ тæмæны бацыдысты. Рацарæзт цæуы цалдæр къæпхæнмæ гæсгæ. Фыццаг уал базилдзысты цæгатаг æмæ хуссайраг трибунæтæм, стæй æппæты стырдæр-скæсæйнагмæ. Куыстытæн рахай кодтой 1 млрд æмæ 500 милуан сомы. Стадион цæттæ уыдзæн 2021-æм азмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv