Цæгат Ирыстоны Фæлхасгæнджытæм цæстдарды управленийы кусджытæ федтой Дзæуджыхъæуы æхсæнадон бынæтты

Короновирусимæ баст уавæр республикæйы æвзæрдæр кæны. Æмæ кæд Цæгат Ирыстоны рынчынты нымæц иннæ регионтимæ абаргæйæ бæрзондыл нымад нæу, уæддæр Фæлхасадмæ цæстдарды управленийы кусджытæ расидынц рейдтæ. Бæрæг кæнынц адæм санитарон домæнтæ куыд æххæст кæнынц, уый. Æнæ маскæтæй базарадон центртæм бацæуæн нæй. Ахæм у ныртæккæйы сæйраг домæн. Уæдæ адæмæй курынц, цæмæй кæрæдзимæ метр æмæ ’рдæгæй 'ввахсдæр ма лæууой. Æнæмæнг хъæуы пайда кæнын антисептиктæй дæр. Фæткхæлдтытæ куы сбæрæг вæййынц, уæд адæймагæн бахæс кæнынц аиуварс кæнын æппæт аиппытæ дæр. Базарадон центрты кусджыты дæр барæг кæнынц. Хъуамæ уой æрмкъухтæ æмæ маскæты. Уæвгæ, дуканитæм бацæуæнты ис антисептиктæ æмæ маскæтæ. Ацы рейдтæ райдыдтой кæнын 23 июнæй. Короновирусæй рынчынты нымæц а фæстаг мæй фылдæр кæны. Уымæ гæсгæ ахæм мадзæлттæ кæныны тыххæй бардзырд бафыста республикæйы сæргълæууæджы хæстæ рæстæгмæ æххæстгæнæг Сергей Меняйло. Бæрнон кусджытæ бæрæг кæнынц куыд стыр базарадон центртæ, афтæ чысыл дуканитæ дæр. Бонмæ фенынц 50 бынаты. Иумæйаг рейдты архайынц Фæлхасадмæ цæстдарды управлени, экономикæйы æмæ мидхъуыддæгты министрадты кусджытæ, стæй Уæрæсейы гвардийы уæнгтæ. Æрвылбон горæты уынгтæм рацæуы 5 кусæг къорды. Фæлæ, фыццаджыдæр, хъуамæ адæм куыдфæндыйы цæстæй ма кæсой уавæрмæ æмæ æххæст кæной æппæт санитарон домæнтæ. Гугкаты Иринæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv