РЦИ Аланийы сæргълæууæг Битарты Вячеслав хицауады уæнгтимæ сæвæрдта æнусон арты раз дидинджытæ

77 азы размæ, 9-æм октябры кæронмæ æрхæццæ, Фыдыбæстæйы Стыр хæсты рæстæг Кавказы цы карз тох цыд, уый. Дунеон историйы рох нæ уыдзæн ацы цау. Тугкалæн тохы Фыдыбæстæйы сæраппонд чи хæцыди, уыдоны æрымысыдысты Намысы аллеяйы. Республикæйы сæргълæууæг Битарты Вячеслав хицауады уæнгтимæ сæвæрдта æнусон арты раз дидинджытӕ. Иу минут алæууыдысты æдзæмæй. Уæ зæрдыл уын æрлæууын кæндзыстæм, Советон салдæттæ немыцаг æрдонгты ныхмæ лæууыдысты афæдзæй фылдæр. Кавказы тох цыд дыууæ фæлтæрæй. Фыццаг ныббырсты немыцæгтæ кодтой уæлахиз. Бацахстой Стъарапол, Армавир, Майкоп, Краснодар, Элиста, Мæздæг æмæ Новороссийскы иу хай. Фæлæ уый фæстæ уавæр цæхгæр аивта - знагæн Цæгат Кавказы радтой аккаг ныхкъуырд. Дунеон историйы рох чи нæ уыдзæн, уыцы цауты Советон салдæттæ цы хъæбатырдзинад æмæ лæгдзинад равдыстой, уый нырма бирæ фæлтæртæн уыдзæн фæзминаг. Мингай салдæтты схорзæх кодтой «Кавказы хъахъхъæныны» майдантæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv