Гобети Артур 7 анзей дæргъи косуй советон скъолай хуæруйнаггæнæгæй

Нæ дарддæры æрмæджы хъайтар у фæлтæрдджын хæринаггæнæг Гобеты Артур. Йæ сабибонтæй фæстæмæ йе стырдæр бæллиц уыд адæмæн хæрзад хæринаг кæнын. Зæгъæн ис, æмæ йæ къухы бафтыд. Куыста кафетæ æмæ ресторанты, сывæллæтты улæфæн лагерьты. Йæ дæсныйадыл у æнувыд. Ныр, 7 азы дæргъы Артур хæринаг кæны Советскийы поселочы скъолайы ахуыргæнинæгтæн. Гобети Артури косæн бон райдауй 7 сахатебæл. Хуæруйнаг кæнуй сувæллæттæн. Уомæ гæсгæ ибæл уæлдай зæрдиагæй косуй. Лæмбунæг æркæсуй продуктти бæрцæмæ. Цæмæй хуæруйнаг адгин рауайа. Али бон дæр æй æндæрхузон. Катлеттæ, тефтелитæ, шницель, кæсалгæ алихузи гарнирти хæццæ. Артур æхецæн хуæруйнаггæнæги дæснийадæ сувæллонæй равзурста. Алкæддæр имæ дессаг кастæй хуæруйнаг кæнун. Скъолай фæсте сахур кодта технологбæл. Æ кусти над ба райдæдта æ райгурæн Ирæфи райони. Кафетæ æма ресторанти берæ æнзти архайдта æ дæснийадæбæл. Рафтудæй Санкт-Петербургмæ дæр. Уоми ба бонмæ хуæрун кодта 3 мин адæймагемæн. Нур, 7 анзи дæргъи Артури къохæй хуæрунцæ Советон гъæуи скъолай сувæллæнттæ. Уал анзи бакосгæй, Артурмæ йес æхе сосæгдзинæдтæ дæр. Æгасей нин нæ раргом кодта. Фал, сæйрагдæр ци æй, цæмæй хуæруйнаг адгин рауайа, уой ба радзурдта. 12 сахатемæ хуæруйнаг исцæттæ уй. Сувæллæнттæ къласгай æрбацæунцæ рæфтад кæнунмæ. Уæлдай си ку неке ниууадза, уæд йе æй Артурæн æ хуарз кусти бæрæггæнæн. Сабити зæрдæмæ куд цæуй хуæруйнаг, уобæл сæ бафарстан. Артурæн æ кусти æнхос кæнуй æ цардæмбал Заремæ. Али бон дæ хуæрун кæнунцæ 45 сувæллонемæн. Сæ кустæн син устур аргъ кæнунцæ скъолай дæр. Гобети Артурмæ кæсгæй уайтагъд бæрæг æй, адæймаг йæ кустбæл устурзæрдæ ке нæй. Берæ æнзти фестæ дæр ма кусти цæхæр йæ цæстити содзуй, раст цума фиццаг бон косуй, уотæ. Хуасдзаути Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv