Уæрæсейы хицауад 204 млрд сомы рахай кодта скъоладзауты фиддонтæн

204 миллиард сомы Уæрæсейы хицауад рахай кодта скъоладзауты фиддонтæн. Сæрмагонд уынаффæ бафыста бæстæйы хицауады сæрдар Михаил Мишустин. Президенты бадзырдмæ гæсгæ, фиддоны нымæц у 10 мин сомы. Райсæн æй уыдзæн æрмæст иу-хатт, скъоладзаутæ цы бинонты ис, уыдонæн. Паддзахадон æххуыс дæттын райдайдзысты 16 августæй фæстæмæ, уый та цæмæй сывæллоны скъоламæ афоныл бацæттæ кæнæн уа. Курдиат ныууадзæн ис æхсæзаздзыдæй йæ сывæллоны скъоламæ ацы аз кæмæн бацæудзæн, уыдонæн дæр. Ныхас цæуы 6 азы 1-æм сентябры размæ кæуыл сæххæст, уыдоныл. Скъолаты æмæ интернатты ахуыргæнинæгтæй 18 азæй 23 азы онг кæуыл цæуы æмæ йе нæниздзинад цудыд кæмæн у, уыцы сывæллæттæн дæр райсæн уыдзæн фиддон. Курдиат бадæттыны фадат ис куыд сæхицæн, афтæ сæ ныййарджытæн, кæнæ сæ хъомылгæнджытæн. Æндæр социалон æххуыс нысан кæнгæйæ, ацы æхцайы фæрæзтæ хыгъдмæ нæ исдзысты. 15 июлæй 1-æм ноябры онг курдиат ныууадзæн æй ис паддзахадон лæггæдты порталы æмæ Пенсион Фонды клиентон службæйы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv