Проект «Земский учитель»-ы фæлгæты кусын райдыдтой 16 ахуыргæнæджы

«Земский учитель» программæмæ гæсгæ, равзæрстой 16 ахуыргæнæджы. Се`ппæт дæр кусын райдыдтой республикæйы чысыл горæттæ æмæ хъæуты. Алы ахуыргæнæгæн дæр рахай кæндзысты 1 милуан сомы бæрц. Сæйраг домæн – хъæуы 5 азæй къаддæр хъуамæ ма бакусой. Нæ дарддæры æрмæджы хъайтар у уырыссаг æвзаджы æрыгон ахуыргæнæг. Мæздæджы районы поселоччы йæм тынг æнхъæлмæ кастысты. Бæлвырддæр радзурдзæн нæ уацхæссæг. Сывæллæттимæ зонгæ кæнгæйæ ахуыргæнæгæн йæ зæрдæ æрхæндæг кæны. Стыр хæс æвæрд ыл ис. Фыццаджыдæр хъуамæ сабиты зæрдæтæ балхæна. Йæхиуыл, сæ баууæндын кæна. Уæд сын предмет ахуыр кæнын дæр цымыдисагдæр уыдзæн.  Хуыбылты Владимир программæ «Земский учитель»-ы бацархайынмæ курдиат балæвæрдта фыццæгтимæ. Фæнд кодта Мæздæджы раойны хъæутæй иуы кусын. Уыцы хъуыддаг æрыгон ахуыргæнæджы къухы бафтыд. Хъуыбылты Владимири: «Ацы программæйы тыххæй рагæй зонын. Сфидар æй кодтой федералон къæпхæныл дæр. Лæмбынæгæй программæ куыд æххæстгонд цæуы, уымæ мæ цæст дардтон. Куы фехъуыстон, фидаргонд у, зæгъгæ, уæд уайтагъд цæттæ кæнын райдыдтон. Уымæн æмæ архайджыты конкурсмæ гæсгæ æвзæрстой». Владимир куыд зæгъы, афтæмæй йæ фыццаджыдæр разæнгард кæны ахуырады рæзтмæ æвæрæн бахæссын. Йæ бинонтæ ацы дæсныйад æвзарынц фæлæтæрæй-фæлтæрмæ. Æрыгон ахуыргæнæгмæ Претеречныйы скъолайы тынг æнхъæлмæ кæсынц. Фаг специалисттæ ахуыргæнæндоны нæй. Федералон программæ куы снысан кодтой, уæд фарста райхалыны фадат дæр фæцис. Программæ «Земский учитель» Цæгат Ирыстоны æххæст кæнын райдыдтой ацы аз. Йæ архайджыты æвзæрстой конкурсы рæстæг. Фæнысан кодтой 16 ахуыргæнæджы. Се 'ппæтæн дæр радих кæндзысты милуан сомы. Алчидæр дзы хъуамæ хъæуы 5 азæй къаддæр ма бакуса. Республикæ программæйы архайдзæн 2022 азы онг. Проекты руаджы гыццыл горæттæ æмæ хъæуты фæзыной æрыгон ахуыргæнджытæ. Стæй ахуырады æмвæзад дæр фæуæлдæр уа. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv