Фыццæгæм къласмæ скъоладзауты исын райдайдзысты 1 æм апрелæй 30 æм июньмæ

Фыццæгæм къласмæ скъоладзауты исын райдайдзысты 1-æм апрелæй 30-æм июньмæ. Уый тыххæй фехъусын кодта Цæгат Ирыстоны ахуырад æмæ наукæйы министрады цæстдарды хайады разамонæг Хъуылаты Аннæ. Ныййарджытæн скъоламæ гæххæттытæ бадæттын сæ бон у цалдæр хуызæй: скъолайы, фыстæг барвитгæйæ, электрон постæй Паддзахадон лæггæдты порталы. Сабитæй бæлвырд скъоламæ нысангонд чи нæу, уыдоны ахуыргæнæндонмæ исдзысты æрмæстдæр уæгъд бынæттæм. Æмгъуыдмæ гæсгæ та - 6 июлæй 5-æм сентябрмæ. Скъоламæ исыны фæтк снысан кодтой Уæрæсейы президент Владимир Путины указмæ гæсгæ. Ногдзинæдтæ фадат дæттынц иу бинонты сывæллæттæн ахуырмæ иу скъоламæ бацæуынæн. Ахуыргæнæдон сывæллоны нæ райсдзæн æрмæстдæр уæд, æмæ дзы уæгъд бынæттæ куы нæ уа. 1-æм апрелæй 30-æм июньмæ у ныййарджытæй курдиæттæ исыны рæстæг. Уыимæ ма цæттæгонд цæуынц хъæугæ гæххæттытæ. Бадæттын сæ хъæудзæн саби цы ахуыргæнæндонмæ цæуынвæнд кæны, уырдæм. 30 июны фæстæ æртæ боны æмгъуыдмæ скъола хъуамæ æнæмæнг приказ радта сывæллоны скъоламæ райста, зæгъгæ. Уый тыххæй ныййарæгæн фехъусын кæндзысты, цы хуызы æнцондæр у, афтæмæй. Бæлвырддæр дзургæйæ электрон хуызы, науæд фыстæг барвитгæйæ. Уыимæ ма скъолайы дæр равæрдзысты информацион фæйнæджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv