Цгъойты мыггаджы мæсыг рацаразыны фарстайыл Дзæуджыхъæуы сарæзтой «тымбыл стъол»

Цгъойты мыггаджы мæсыг рацаразын, йæ историон бакаст ын ма фесафгæйæ. Ацы фарстайыл æрдзырдтой тымбыл стъолы уæлхъус. Фембæлд сарæзтой ирон мыггæгты æхсæнадон змæлд «Иудзинад» æмæ Цгъойты мыггаджы æхсæнадон Советы уæнгтæ. Рацарæзты проекттæ раст куыд саразын хъæуы, уый уыд ныхасы сæр. Æмбырды ма архайдтой республикæйы Цæгат Ирыстоны культурон хæзнатæй пайда кæныны æмæ хъахъхъæныны комитеты уæнгтæ, стæй республикæйы иннæ мыггæгты минæвæрттæ дæр. Цавæр куыст хъæудзæн бакæнын Ирыстоны мæсгуытæ банывыл кæныны тыххæй, уымæ æркастысты Цгъойты мыггаджы мæсыгæн йæ проекты дæнцæгимæ кусгæйæ. Проекттæ арæзт æрцæудзысты фонд «Память сквозь века», зæгъгæ, уый æххуысæй. Аккагыл æй банымадтой Федералон президентон грантты фонды. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv