Уæрæсейы æфсæддонтæй Хуссар Ирыстоны мобилон госпиталы чи куыста, уыдон фæстæмæ Мæскуымæ здæхынц

Æфсæддон госпиталь Хуссар Ирыстоны йæ размæ æвæрд хæстæ сæххæст кодта. Коронавирусимæ тохы специалисттæ баххуыс кодтой бынæттон цæрджытæн. Ныртæккæ мобилон рынчындон æфснайынц. Цæттæ кæнынц фæстæмæ базæмæ аздæхынмæ. Уый тыххæй хъусын кæны Хуссар Æфсæддон зылды пресс-службæ. Дохтыртӕн ӕд техникӕ сӕ фæндаг уыдзæн 2 мин километрæй фылдæр. Кæронбæттæн пункт - Мæскуымæ хæстæг хъæу Алабино. Госпиталы архайды фæрцы сдзæбæх 200 пациентæй фылдæр, дохтыртæ сарæзтой 2 мин тесты бæрц, уыимæ 1 мин 600 лабораторон иртæсты. Специалисттæй амбулаторон-консультативон æххуыс райстой мин æмæ 500 адæймаджы. Медицинон кусджытæ кодтой рентгенограммæтæ, кардиограммæ æмæ æндæр хъæугæ лæггæдтæ. Уæ зæрдыл уын æрлæууын кæндзыстæм, мобилон колоннæ Хуссар Ирыстонмæ ссыд 27 октябры. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv