4-æм поликлиникæйы лифты куыстæй цæрджытæ хъаст кæнынц

Ныр цалдæр азы Дзæуджыхъæуы 4-æм поликлиникæйы лифты куыстæй хъаст кæнынц цæрджытæ. Уæвгæ, ацы бæстыхайы у иунæг, стæй цæуы æрмæст 3-æм уæладзыджы онг. Уымæ гæсгæ пациенттæй бирæтæн сæ бон цавæрдæр сæрмагонд æркасттæ ацæуын нæ вæййы. Куыд архайдзысты фарста алыг кæныныл, уый тыххæй нæ дарддæры æрмæг. «Техникон аххосæгты тыххæй лифт кусы æрмæст æртыккæгæм уæладзыджы. Хатыр курæм». Ахæм хъусынгæнинаг 4-æм поликлиникæйы ис ныр 4 азы. Афтæмæй медицинон уагдоны ацы лифт у иунæг. Лифтыл ссæуæн ис æрмæстддæр фыццæгӕмӕй æртыккӕгӕммæ, уырдыгӕй – ӕрмӕст фыццæгæммæ. Фæлæ уый дæр не сфæлдыстадон къордæн нæ бантыст. Цыппæрæм поликлиникæ эксплуатацийы радтой 1978 азы. 45 азмæ лифт иу хатт дӕр ивд не 'рцыд. Сæйраг дохтыр Паркаты Эльдæйы ныхæстæм гæсгæ, кусы æппынæдзух уæлдай ифтыгъдæй. Цыппæрæм уæладзыджы ис рентген. Реабилитацийы хайад – дыккæгæмы. Кӕд бирӕ дæлдæр нгу, уӕддӕр, йе 'нæниздзинад хъыгдæрд кæмæн у, уыдонæн уавæр хæссы зындзинад. 4-æм поликлиникæйы пъланмæ гæсгæ, æвдайæм азты хъуамæ уыдаид уæлæмхасæн. Фæлæ йæ радтой экплуатацийы æви нæ, уый медицинон уагдон нæ зоны. Кусджыты ныхæстæм гæсгæ, дыккаг лифт зынгæ фенцондæр кæнид уавæр. Цыппæрæм поликлиникæйы цæрджыты æнæниздзинад хъахъхъæныны закъоны фæткхæлдтыты тыххæй сæрмагонд басгæрст сарæзта Дзæуджыхъæуы прокуратурæ. Сæйраг дохтыры ныхæстæм гæсгæ, цыппæрæм поликлинæйы фарстайы тыххæй æнæниздзинад хъахъхъæнынады министрад зыдта нырма 2019 азы. Æнæниздзинад хъахъхъæнынады министрады хъусынгæнинагмæ гæсгæ, лифт баивынæнæн республикон бюджетæй рахай кæндзысты 5 млн сомы бæрц.