Цæгат Ирыстоны 2 860 цæрæджы не ’рбацыдысты вакцинæйы дыккаг компонентмæ

Цæгат Ирыстоны 2 860 цæрæджы не ’рбацыдысты вакцинæйы дыккаг компонентмæ. Уый тыххæй фехъусын кодтой оперативон штабы æмбырды. Сарæзтой йæ коронавирусы инфекцийы парахат кæнын ма `руадзыны тыххæй. Сæрдариуæг дзы кодта Сергей Меняйло. Вакцинæйы дыккаг хай чи не ’скодта, уый вакцинацигондыл нымад нæ цæуы. Сергей Меняйлойы хъуыдымæ гæсгæ æмбарынгæнæн куыст фæци, профилактикон мадзæлттæм хъæуы бæстондæрæй æркæсын. Республикæйы разамонæг фæсидт дзуапдæттæг кусджытæм сæ куыст банывыл кæнынмæ. Æнæниздзинад хъахъхъæныны министры хæстæ рæстæгмæ æххæстгæнæг Тебиаты Сосланы ныхæстæм гæсгæ медицинон уагдæтты ма бацæттæ кæндзысты ноджы 40 реанимацион сынтæджы.  Коронавирусы инфекци та йæ тыхы кæй бацыд, уымæ гæсгæ уавæрмæ лæмбынæг кæсын хъæуы æрвылбон, фæнысан кодта Сергей Меняйло. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv