Цæгат Ирыстоны дыууæ скъолайы систы парти «Иугонд Уæрæсе»-йы æппæтуæрæсеон конкурсы уæлахиздзаутæ

Скъолайы музейы - æгас республикæйы истори. Цæгат Ирыстоны дыууæ скъолайы систы парти «Иугонд Уæрæсе»-йы æппæтуæрæсеон конкурсы уæлахиздзаутæ. Конкурсы бацархайдтой æртæ мин ахуыргæнæндонæй фылдæр. Уыдысты Уæрæсейы алы регионтæй. Акцийы сæйраг хæс - æфсæддон-историон кад бахъахъхъæнын æмæ æрыгон фæлтæры сразӕнгард кӕнын уыцы истори иртасынмæ. Эксперттæ куыстытæн аргъ кодтой алы миниуджытæм гæсгæ: экспозицийы эстетикæ, тематикон равдыстыты организаци æмæ Фыдыбæстæйы Стыр хæсты ветерантимæ æмгуыст кæныны мадзæлттæ. Беслæны фыццаг скъолайы музей бацахста дыккаг бынат Цæгат Кавказы федералон зылды, «Городской музей», зæгъгæ, номинацийы. Мæздæджы районы Киевское хъæуы музей та райста æртыккаг бынат «Сельский музей» номинацийы. Уæлахиздзаутæн радтой 300 æмæ 200 мин сомы. Æрæджы партийы уæнгтæ бабæрæг кодтой Киевское хъæу, базыдтой музей куыд сæвзæрд æмæ экспонатты истори. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv