Сывæллæтты хæдзæртты хъомылгæнинæгтæ райдыдтой ног фатерты цæрын

Хи фатеры цæрын у нæ дарддæры æрмæджы хъайтарты стырдæр бæллиц. Æмæ ныр сæ къухы бафтыд. Сидзæр сывæллæтты ног уавæртæм æппынæдзух сæ цæст дарынц æппæтуæрæсеон адæмон фронты активисттæ. Ацы хатт абалц кодтой Æрыдон районмæ. Ног фатертæ дзы райстой 28 бинонтæ. Сæ царды уавæртæ фæхуыздæр кæнынмæ ма æнхъæлмæ кæсынц мин адæймаджы. Бæлвырддæр хабæрттæ радзурдзæн нæ уацхæссæг. Муриты Марат ацы бонмӕ æнхъæлмæ касти 10 азы дгргъы. Уырнгæ дæр æй нæ кæны, йæ ног фатер афтæ райдзаст æмæ уæрæх кæй у, уый. Фатертæ сты цалцæггонд. Ифтонггонд сты æппæт хъæугæ коммуникацитæй. Зынгсирвæзты ныхмæ сигнализаци. Ис дзы стъол, бандæттæ æмæ æндæр дзаумæттæ. Сæ уындæй цæрджыты зæрдæтæ райынц. Сæ цинæн кæрон нæй. Æппæтуæрæсеон адæмон фронты уæнгтæ профилон ведомствæйы специалисттимæ сбæрæг кодтой фатерты уавæр. Сæ цæст ахастой куыстыты хæрзхъæддзинадыл. Аныхас кодтой цæрджытимæ. Фæнысан сын кодтой сæ хъуыдытæ æмæ фиппайнæгтæ. Куыстытæ æххæстгæнæн компани ма хъуамæ снывыл кæна хæдзары кæрт. Куыстытæм сæ цæст дардзысты активисттæ дæр. Хæдзары ис 28 фатеры. Йæ цæрджытæ сты Дыгур, Æрæф, Æрыдон æмæ Алагиры районтæй сидзæртæ. Республикæйы фæллой æмæ социалон рæзты министрады ма рады лæууынц 1000 адæймаджы. Ацы аз хи фатертæ райсдзысты 80 адæймаджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv