Рабæрæг кодтой, æнæзакъонæй арæнты сæрты тыхджын буаргъæдтæ æрбаласынмæ чи хъавыд, 3 ахæм цауы

Дæллаг Зæрæмæджы уадзæн пункты рабæрæг кодтой, æнæзакъонæй арæнты сæрты тыхджын буаргъæдтæ æрбаласынмæ чи хъавыд, 3 ахæм цауы. Цæгат Ирыстоны таможнæйы кусджытæ, хæдтулгæтæ басгаргæйæ, ссардтой, зонд чи хæццæ кæны æмæ психикæ чи халы, ахæм тыхджын буаргъæд «стенозолол» æмæ «метандиенон». Сæ иумæйаг уæз 15 граммы. Шофыртæ разындысты Уæрæсе æмæ Хуссар Ирыстоны цæрджытæ. Ныртæккæ сты ахст. Алагиры районы пъæлицæйы хайады кусджытæ бæрæг кæнынц, дарддæр сын цы уынаффæ рахæсгæ у, уый. Уыцы цаутæй уæлдай ма, Хуссар Ирыстоны цæрæгмæ разынд трамадол. Хъавыд æй Уæрæсейы апарахат кæнын. Æдæппæтæй 7 граммы. Ацы фыдракæндты тыххæй, гæнæн ис, æмæ закъонхалджытæ ахæстоны фæбадой 3 азæй 7 азы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv