Тæбæхсæуты Балойы номыл академион драмон театры тагъд рæстæджы равдисдзысты спектакль

Спектакль «Нæ фехъуыстон, ма зæгъ» тагъд рæстæджы равдисдзысты Ирон театры. Репетицитæ сты сæ тæмæны. Уæвгæ Гаглойты Владимиры пьесæ адæмæн уарзон у рагæй. Йæ режиссеры-æвæрæг у Ирон театры аивадон разамонæг Уалыты Гиви. Спектакль уыдзæн 18-æм æмæ 19-æм мартъийы. Ныр иу мæйы дæргъы актёртæ кусынц сæ сурæттыл, цæмæй бахъæлдзæг кæной аивадуарзджыты зæрдæтæ. Хъазынц дзы Ирон театры раззагдæр артисттæ - Гуыбиаты Хъазыбег, Хуыбаты Неля, Гæбуты Жаннæ, Черчесты Дианæ, Æлбегаты Алан. Спектаклы ахъаздзæн республикæйы адæмон артисткæ Дзгойты Аллæ дæр. Фыццагдæр дзы 80-æм æзты дæр дзы архайдта. Куыд зæгъы, афтæмæй ацы уацмыс ирдæй æвдисы абоны царды ныййарджыты æмæ сывæллæты 'хсæн ахастдзинæдты иуварсгæнинаг фарстатæ. Ирон театры аивадон разамонæг Уалыты Гиви куыд загъта, афтæмæй ныртæккæ Цæгат Ирыстоны культурæйы объекттæм стыр æргом здæхынц. Цæуынц цалцæггонд. Уымæ гæсгæ труппæйæн йæ бон у районтæм цæуын æмæ уарзон спектакльтæ æвдисын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv