Фæстаг 15 азмæ фыццаг хатт Дыгуры районы райдыдтой хъæд садзæн куыстытæ. 4 мæймæ Æппæтуæрæсеон организаци "Рослесинфорг"-ы специалисттæ раиртасдзысты 25 мин гектары æмæ милуанæй фылдæр бæласы. Сбæрæг сын кæндзысты сæ каркар, æркæсдзысты сын сæ уавæрмæ, ратдзысты амынддзинæдтæ ног талатæ садзыны фæдыл. Хъæдтæ хæстæг хъæутæ хъахъхъæнынц зæхлæбырдтæй. Егъау æркæстытæ ацæудзысты æгас бæстæйы дæр. Ацы куыстмæ цæст дары æрдзон æвæрæнты министрад.