Амалхъомады хи бафæлварын кæй фæнды, уыдонæн радих кодтой гранттæ

Æрыгон амалхъом адæмæн сæ хъуыдытæ раргом кæныны фадат фæзынд. Амалхъомады хи бафæлварын кæй фæнды, уыдонæн радих кодтой 100 гранты 250 мингай сомимæ. Грант райсæн ис, 14 азæй 35 азы онг кæуыл цæуы, уыдонæн. Уыимæ ма бинонтæ хъуамæ нымад цæуой æххуысцухыл. Программæйы архайæг суæвын æнцон у. Инстаграмы сæрмагонд сыфы бадæттын хъæуы курдиат. Рæгъмæ рахæссæн ис алыхуызон проекттæ. Сæйрагдæр у, цæмæй уой цымыдисаг. Сæрмагонд къамис сæм æркæсдзæн лæмбынæг æмæ хуыздæртæн аккаг аргъ скæндзæн. 14 азæй 35 азы онг кæуыл цæуы, уыцы фæсивæды амалхъомады хъуыдытæн ныр ис аккаг аргъ. Фæлæ æрыгон фæлтæрæй сæ иуты авналæнтæ цыбыр сты. Иннæты ты фæнды амалхъом уæвын, фæлæ цæмæй æмæ куыд райдайа, уый нæ зоны. Ацы программæ сын хорз æххуыс у. Ам æрыгон адæмæн æмбарын кæнынц амалхъомады сусæгдзинæдтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv