Дзæуджыхъæуы байгом равдыст «Побеждая любовью», зæгъгæ

Цымыдисаг хуызистыты равдыст «Побеждая любовью», зæгъгæ, байгом Дзæуджыхъæуы. Экпозицийы æвдыст æрцыдысты республикæйы зындгонд спортсментæ, Дауны синдром кæмæ ис, ахæм сабитимæ. Проект æххæст кæнынц ныр æртыккаг хатт. Йæ автор у хуызисæг Кортиаты Дзерассæ. Равдысты сæйраг хъуыды у æхсæнады 'ргом раздахын, иннæты хуызæн чи нæу, ахæм сывæлæттæм. Социалон проекты архайджытæ сты, Дауны синдромимæ адæмæн æххуыс чи кæны, ахæм цæгатирыстойнаг регионалон æхсæнадон организаци «Время перемен»-ы уæнгтæ. Семæ ма 15 зындгонд спортсмены, афтæмæй. Се 'хсæн грекъаг-римаг хъæбысхæстæй олимпаг чемпион Хуыгаты Алан, боксæй юниорты 'хсæн дунейы чемпионкæ Хетъеты Орнеллæ, Дунейы æмæ Европæйы чемпионкæ армрестлингæй Маккæты Иринæ æмæ æндæртæ. Равдыст апарахат Коцойы-фыты номыл уынджы Терчы былгæронмæ хæстæг. Ахæсдзæн 27 апрельмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv