Цæгат Ирыстоны муфтийæ ногæй снысан кодтой Гуæцæлты Хадзымураты

Цæгат Ирыстоны муфтийæ ногæй снысан кодтой Гуæцæлты Хадзымураты. Ахæм уынаффæ рахастой, Дзæуджыхъæуы абон пысылмæтты управленийы цы æмбырд уыдис, уый архайджытæ. Уæвгæ, ныхас кодтой ивгъуыд азты куысты хатдзæгтыл. Ахæм фембæлд саразынц 5 азмæ иу хатт. Цæгат Ирыстоны муфтий Гуæцæлты Хадзымурат абон радзырдта, республикæйы цы мæзджыттæ сарæзтой, уыдоны тыххæй. Ныхас ма кодтой Суннитаг мæзджыты рацарæзтыл. Фембæлды архайджытæ ма се `ргом аздæхтой, терроризмы ныхмæ цы мадзæлттæ аразынц, уыдоныл. Гуæцæлты Хадзымурат, РЦИ-Аланийы муфтий: «Цы нæ фæнды саразын фидæны 5 азмæ? Фыццаджыдæр, нæ адæмы æдасдзинадыл бакусын. Æдасдзинад у алы хъуыддаджы бындур. Нæ дыккаг хæс та у фæсивæды ахуырад æмæ хъомыладæн ахъаз уæвын. Кæстæр фæлтæримæ хъæуы æнæмæнг кусын æмæ дзурын, цæмæй æхсæнадæн алкæддæр уой пайда æмæ æнтыстдзинæдтæ сæ къухы `фта». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv