Цæгат Ирыстоны цæуы профилактикон мадзал «Пешеход», зæгъгæ

Дзæуджыхъæуы пъæлицæйы кусджытæ дарддæр аразынц профилактикон рейдтæ. Сæ иу – «Пешеход», зæгъгæ. Зæгъæм, 14 сахатæй 22 сахатмæ нæ горæты Ватутины, Куйбышевы, Чапаевы, Чкаловы номыл уынгты, Московская æмæ Къостайы проспекты тынг арæх æрцæуы фæндаггон фыдбылызтæ. Сæ фылдæр баст вæййынц фæндагхизджытимæ. Нæ республикæйы Фæндаггон патрулон службæйы кусджытæ уый фæдыл æппынæдзух аразынц профилактикон мадзæлттæ. Семæ ма æмгуыст кæнынц инспектортæ дæр. Фæндагхизджытæй закъоны домæнтæ чи не ’ххæст кæны, уыдоны та кæнынц ивар, кæнæ сæ æфхæрынц административон æгъдаумæ гæсгæ. Уæдæ хæдтулгæты шофыртæ дæр къаддæр аххосджын не сты. Фылдæр хатт фистæгцæуджытæн нæ дæттынц фæндаг. Профилактикон мадзæлтты фæрцы инспектортæ фылдæр се 'ргом здахынц сывæллæтæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv