Цæгат Ирыстоны цалдæр хъæуæн, гæнæн ис, æмæ раттой историон цæрæн бынæтты статус

Цæгат Ирыстоны цалдæр хъæуæн, гæнæн ис, æмæ раттой историон цæрæн бынæтты статус. Уый тыххæй дзыллон информацион фæрæзтæн фехъусын кодта республикæйы культурон объектты хъахъхъæнынады комитеты разамонæг Æгайты Эмилия. Йæ ныхæстæм гæсгæ, фæнд кæнынц, цæмæй республикæйы алы районты хъæутæн ахæм нысан раттой. Уыдоны ’хсæн Нары хъæу, Уæхъæц, Нузал, Ново-Осетинская станицæ æмæ Дæргъæвс. Куыд бафиппайдта, афтæмæй ахæм хъуыддаг фæахъаз уыдзæн æрмæст истори бахъахъхъæнынæн нæ, фæлæ ма ахаддзæн куысты бынæттыл æмæ фæбæрæг уыдзæн туризмы райрæзтыл. Ахсджиаг ма уый у, æмæ ахæм нысан куы райсой, уæд фадат уыдзæн историон объекттæ дарынæн федералон бюджетæй æхцайы фæрæзтæ исын. Ахæм статус райсынæн хъæуы лæмбынæг куыст бакæнын: фыццаджыдæр, проектон-сметон документаци бацæттæ кæнын, специалисттæ æрбахонын. Проект куы сфидар кæной, уæд та йæ сæххæст кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv