Күн Дуоҕа

КҮННЭЭХ ДУОҔА Бастакы Бэрэсидьиэн, Аан Дархан Михаил НИКОЛАЕВКА Күннээх халлаан сорҕотун Мин илиибэр ылабын, Сахам ыра санаатын Түөспэр ыга тутабын. Айыым сирин үрдүнэн Алгыс аман күүһүнэн Киирбэт күнү дьүһүйбүт Килбиэн кэми өйдүүбүн: Күнтэн эрэ тэһииннээх Күн улууһа буоларга Күннээх дуоҕа ыҥыра Күлүмүрдээн кэлбитэ, Хара былыт халыйбат, Хаардаах самыыр баһыйбат Халлаан унаар урсуннаах Хаарыан кэмэ күүппүтэ! Ыра санаа - ытык сирдьит Ырааҕы да чугаһаппыт, Көҥүллэммэт Көҥүл кэрэ Ырыаларын ыллаппыт... САЙА