1 млрд сомæй фылдæр Уæрæсейы хицауад рахай кодта социалон уагдæтты кусджыты фиддонтæн

Социалон кусджытæн фиддонтæн Уæрæсейы хицауад рахай кодта 1 млрд сомæй фылдæр. Ныхас цæуы, коронавирусæй рынчынты чи дзæбæх кæны æмæ семæ чи архайы, уыцы социалон уагдæтты кусджытыл. Бадзырд бафыста премьер Михаил Мишустин. Ног рынчынты нымæц кæд къаддæр кæны, уæддæр уавæрмæ кæсын хъæуы лæмбынæг. Хъæугæ хостæ æмæ лæггæдтæ рынчынтæ исдзысты æмбæлгæ æмвæзадыл. Михаил Мишустины ныхæстæм гæсгæ, æхцайы фæрæзтæ социалон кусджытæн бафиддзысты ацы аз дыккаг кварталы. Фиддонтæ райсдзысты, ацæргæ адæмы хæдзæртты чи кусы, фæкæсинаг адæмимæ интернаттæ æмæ æндæр социалон уагдæтты кусджытæ. Уый тыххæй уынаффæ рахаста Уæрæсейы президент Владимир Путин. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv