Хими æмæ биологийы къуыри цæуы Дзæуджыхъæуы 27 æм скъолайы

Хими æмæ биологийы къуыри цæуы Дзæуджыхъæуы 27-æм скъолайы. Зонадон хъæзтытæ, ерыстæ, конференцитæ. Цымыдисаг программæ скъоладзаутæн бацæттæ кодтой Цæгат Ирыстоны паддзахадон университеты химион-биологон факультеты студенттæ. Ацы скъолайы цæуынц практикæ. Программæйы фæлгæты ахуырдзаутæн амондзысты æрдззонынады урок. Кӕнынц эксперименттæ, иртасынц бактериты кълеткæтæ æмæ сæ хъазты хуызы зонгæ кæнынц алфæмбылайы дунеимæ. Формулæтæ кæй цымыдис кæнынц, хими æмæ биологи дарддæр уæлдæр ахуыргæнæндоны чи ахуыр кæндзæн, уыдон ацы наукæты архайынц ныридæгæн скъолайы. Сæрмагонд кълæстæ ифтонггонд сты æппæт хъæугæ дзауматæй. Уæдæ ахуыргæнджытæ дæр сæ фæлтæрддзинад фæуæлдæр кодтой. Уый æрмæст Цæгат Ирыстоны нæ, фæлæ ма Мæскуыйы паддзахадон университеты æмæ ахуырадон центр «Сириус»-ы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv