Уæрæсейы фæлхасгæнджытæм цæстдарды управленийы кусджытæ бабæрæг кодтой Дзæуджыхъæуы æхсæнадон бынат
23-æм июнæй, эпидемиологон уавæрмæ гæсгæ, республикæйы кафетæ æмæ ресторантæ кусынц ног фæткмæ гæсгæ. Æнæниздзинады домæнтæм гæсгæ, адæм бирæгæйттæй кæм æмбырд кæны, уым хъæуы социалон дистанци æххæст кæнын. Афтæ кинотеатрты дæр, æрбацæуджытæ залы баддзысты, иу бадæн бынат се 'хсæн уæгъд, афтæмæй. Æрæджы дæр ма адæмы зæрдæты ныфс бацыд. Цæрджытæн æхсызгон уыд, низ кæй фæсаст æмæ сæ рæстæг арвитыны фадат фæци кафеты, хи ирхæфсæн бынæтты, кинотеатрты. Фæлæ та республикæйы ныртæккæ санитарон домæнтæ фæкарздæр сты. Фæлхасгæнджытæм цæстдарды управленийы специалисттæ радон рейды сбæрæг кодтой, базарадон центртæ æмæ дуканиты низимæ тохы фæдыл æдасдзинады домæнтæ куыд æххæстгонд цæуынц, уый. Райдыдтой Дзæуджыхъæуы егъаудæр базарадон центртæй иуæй. Куыд рабæрæг, афтæмæй йæ кусджыты 'хсæн фæткхалджытæ нæ разынд. Разамынд æппæт домæнтимæ у разы. Цы фæтк ныффидар, уый чи не `ххæст кæны æмæ йæ чи халы, уыдон канд сæхицæн нæ хæссынц зиан. Амынддзинæдтæ æрмæст базарадон центртæм нæ хауынц. Фæлхасгæнджытæм цæстдарды управленийы кусджытæ, низæй хи бахъахъхъæнæн кæй ис, уый тыххæй ныхас кæнынц дуканиты кусджытимæ дæр. Адæм бирæгæйттæй кæм æмбырд кæнынц, уыцы бынæттæм хауынц банктæ дæр. Ам санитарон домæнтæ æххæст кæнынц æнæ къуылымпытæй. Кусджытыл кæддæриддæр маскæтæ, медицинон æмкъухтæ. Æрбацæуджыты курынц социалон дистанци æххæст кæнын æмæ антисептикæй пайда кæнын. Фæлæ амынддзинæдтæ ууыл нæ фесты. Æхсæнадон хæрæндæттæ æмæ ресторантæ кусдзысты райсомы 6 сахатæй изæры 11 сахатмæ. Ам дæр æрбацæуджыты хъæуы бадын се 'хсæн иу бадæн бынат цухæй. Ахæм рейдтæ ныр сног уыдзысты. Ныртæккæ нæ республикæйы коронавирусæй рынчынты нымæц фылдæр кæны. Уагæвæрды ног домæнтæ нæй. Республикæйы цæрджытæ семæ зонгæ сты коронавирус фыццаг куы стыхджын уæдæй нырмæ. Фæлхасгæнджытæ фæдзæхсынц, æрмæст æппæт уыцы домæнтæ хынцгæйæ республикæ фæтых уыдзæн низыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv