Цæгат Ирыстоны, гæнæн ис, æмæ фæзындзæн дыууæ уæлæмхасæн наркологон пункты

Дзæуджыхъæуы уыд наркотикты ныхмæ республикон къамисы æмбырд. Сæрдариуæг дзы кодта республикæйы сæргълæууæджы хæстæ рæстæгмæ æххæстгæнæг Сергей Меняйло. Наркотикты æнæзакъон зилдух у нæ бæстæйы риссагдæр фарстатæй иу, фæнысан кодта Сергей Меняйло. Барадхъахъхъæнджытæ уыцы къабазы кæнынц стыр куыст. Наркотиктæ республикæйы чи парахат кæны, уыдон æфхæрд цæудзысты закъонмæ гæсгæ. Уæлдай æргом æмбырды рæстæг аздæхтой медицинон æркасты фарстамæ. Дæрддзæф районты биоматериал райсыны фадат нæй. Уый тыххæй хъæуы сæрмагонд кусæнгарз. Къамисы уæнгтæн Сергей Меняйло бабар кодта хъуыддагмæ бæстонæй æркæсын æмæ сбæлвырд кæнын, уавæр цы хуызы ис аивæн, уый. Бахаста дыууæ уæлæмхасæн наркологон пункты саразыны хъæппæрис. Иу — Æрыдоны, иннæ та — Мæздæджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv