Се'нæниздзинад хъыгдард кæмæн у, уыцы сывæллæттæн дæсныйад æвдисæн ахуыртæ кæнынц Пермы специалисттæ

Се 'нæниздзинад хъыгдард кæмæн у, уыцы сабитæн дæсныйад æвдисæн ахуыртæ сарæзта Пермæй специалистты къорд «Поющие руки», зæгъгæ. Цæстæй хорз чи нæ уыны, æмæ æвзæр чи хъусы, уыцы сывæллæттæн ацы мадзалы бацархайыны фадат фæцис проект «Наши песни на ладонях»-ы руаджы. Йæ сæйраг нысан у йе 'нæниздзинад хъыгдард кæмæн у, ахæм сабитæн фадат раттын сфæлдыстады хи бафæлварынæнӕн. Афтæмæй, сæ курдиат раргом кæныныл архайдтой реабилитацион центр «Алани»-йы хъомылгæнинæгтæ. Акафыдысты ирон симд. Дæсныйадӕвдисæн ахуырты рæстæг Пермы минæвæрттæ радзырдтой, цы хицæндзинӕдтӕ ис къух амонгæйæ хъуыдыйы загъд æмæ къухæй амонгæйæ равдыст бацæттæ кæныны 'хсӕн. 23 апрелы та уазджытæ Цæгат Ирыстоны паддзахадон универститеты концертон залы равдисдзысты се 'сфæлдыстад. Программæ «Наши песни на ладонях», зæгъгæ, ахӕм хуызы раргом кæндзæн аивады сусæгдзинæдтæ. Полина Гладких, Пермы адæмон ансамбль «Поющие руки»-йы разамонæг: «Фæнды нæ нæхи равдисын. Мæнæ нæ фæсивæд, æвзæр чи хъусы, уыдон реабилитаци куыд цæуынц сфæлдыстады 'руаджы, уый. Уæ артистты фенын дæр нæ фæнды. Уæ культурæ нæм цымыдисаг кæсы. Уæвгæ, æмгуыстад кæддæриддæр пайда вæййы». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv