Хуссар Ирыстоны коронавирусы ныхмæ хииппæрддзинады фæткы домæнтæ фенцондæр кодтой

Хуссар Ирыстоны коронавирусы ныхмæ хииппæрддзинады фæткы домæнтæ фенцондæр кодтой. Оперативон штабы æмбырды уынаффæ рахастой дзыллон мадзæлттæ аразынæн бар раттын. Æхсæнадон хæрæндæтты куыст дæр сног кодтой, уым дæр ныр ис алыхуызон мадзæлттæ аразæн. Дæрддзæгмæ хуызы куыстмæ раивын кæй хъæуы, уый ныр уыдзæн куыстдæтджыты бæрны. Скусдзысты хъæуты чысыл скъолатæ. Хуссар Ирыстоны сæйраг санитарон дохтыр Кочиты Маринæйы ныхæстæм гæсгæ, коронавирусæй рынчынты уавæр нырма зæрдæхасинаг у. Уыимæ ма, ахсджиаг фарстайыл нымад у рынчындæтты бынæттæ. Пандемийæйы райдиан республикæйы рабæрæг кодтой 2 мин рынчынæй фылдæр, сдзæбæх кодтой 1 134 адæймаджы. Дзæбæхгæнæндæтты ис 82 рынчыны. Сарæзтой иумæйагæй 12 мин тестæй фылдæр. Уый хынцгæйæ, Хуссар Ирыстоны нырмæ дæр сæ тыхы сты кæцыдæр фæткæвæрдтæ. Адæргъвæтин сæ кодтой 15-æм январмæ. Хауынц астæуккаг æмæ уæлдæр ахуыргæнæндæттæ, стæй уæлæмхасæн ахуырады куыстмæ. Цæрджытæ хъуамæ дарддæр дæр маскæтæ дарой. Коронавирусæй рынчынтыл чи æмбæлыд, уыдон хъуамæ 14 боны фæбадой карантины. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv