Ленины районы тæрхондоны уыд Цъыккаты Владимиры фæдыл кæронбæттæн æмбырд

Ленины районы тæрхондоны уыд Цъыккаты Владимиры фæдыл кæронбæттæн æмбырд. Абон байхъуыстой, тæрхон кæмæн кæндзысты уыдонæй иуы раныхасмæ. Цæгат Ирыстоны иумæйаг юрисдикцийы иугонд пресс-службæ куыд хъусын кæны, афтæмæй æмбырды фæстæ тæрхонгæнæг ацыд уынаффæгæнæн уатмæ. Уголовон хъуыддаджы фæдыл тæрхон хъуамæ рахæсса 28 июны. Уæ зæрдыл уын æрлæууын кæндзыстæм, Цъыккаты Владимиримæ баст уголовон хъуыддагмæ 2019-æм азы январы кæй райдыдтой кæсын. ДЗæуджыхъæуы пъæлицæйы Ирыстойнаг районы хайады дæс кусæджы азымджын кæнынц, сæ бартыл æгæр кæй схæцыдысты, Цъыккаты Владимиры æнæниздзинадæн стыр знаггад кæй ракодтой æмæ уый кæй амард, уымæй. Пъæлицæйы хайадæй ма йæ 2015-æм азы 1-æм ноябры рынчындонмæ дæр аластой, фæлæ нæлгоймагæн реанимацийы йæ адзал æрцыд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv