Битарты Вячеслав схорзæхджын кодта «Цæгат Ирыстоны Хуыздæр дохтыр»-ы конкурсы уæлахиздзауты

Битарты Вячеслав схорзæхджын кодта «Цæгат Ирыстоны Хуыздæр дохтыр»-ы конкурсы уæлахиздзауты. Сæйраг лæвар - фатеры дæгъæлтæ райстой дохтыр-терапевт æмæ дохтыр-педиатр. Уæ зæрдыл уын æрлæууын кæндзыстæм, конкурс расидтысты ивгъуыд азы, ноябры. Æдæппæтæй райстой 40 курдиаты. Уыдонæй 12 архайæджы рацыдысты финалмæ. Фыццаг къæпхæны диплом æмæ сæйраг лæвар фатеры дæгъæлтæ. Республикæйы сæргълæууæг Битарты Вячеславы къухæй хæрзиуæг райста горæты дыккæгæм поликлиникæйы дохтыр Хуыгаты Мæдинæ. Къорд азы йæ æвæллайгæ фыдæбоны тыххæй Хуыгаты Мæдинæйы хуыздæрыл банымадтой бынæттон дохтыр-педиатр номинацийы. 20 азы балæвар кодта сывæллæттæн. Ацы къабаз кæй равзæрста, ууыл фæсмон никуы фæкодта. Сæйраг приз - квартирæйы аккаг ма сси Гæбуты Алисæ. Номинаци - хуыздæр дохтыр терапевты бацахста фыццаг бынат. Ныр къорд азы кусы Æрхонкæйы поликлиникæйы. Йæхæдæг куыд зæгъы, афтæмæй конкурсы архайыны фæнд скодта, цæмæй сбæрæг кæна йæ фæлтæрдддзинад. Фæуæлахиз уыдзæн, уый æнхъæл нæ уыд. «Цæгат Ирыстоны хуыздæр дохтыр»-ы конкурсы финалмæ рацыд 6 дохтыры. Се 'хсæн канд горæты медицинон куыстуæтты минæвæрттæ нæ, фæлæ ма районты дохтыртæ дæр. Алкæмæндæр фадат уыд хи равдисынæн æмæ йæ дæсныйады кад фæуæлдæр кæнынæн. «Цæгат Ирыстоны хуыздæр дохтыр»-ы конкурс расидтысты 2020 аз, ноябры. Цыд цалдæр къæпхæнмæ гæсгæ. Æдæппæтæй райстой 40 курдиаты. Уыдонæй 12 архайæджы рацыдысты финалмæ. Фæстаг къæпхæн адæмы хъæлæстæ. Уыдонмæ гæсгæ алы номинацийы сбæрæг сты хуыздæртæ. Конкурс фæнд кæнынц æрвылазон скæнын. Уыимæ ма бафтаудзысты номинацитыл дæр. Ахæм хуызы медицинон кусджытæ разæнгард кæндзысты. Уазиты Зæлинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv